Basic Networking Part - 5

Ring Topology
--------------------

အပြင်ပိုင်း Physical ကို ကြည့်ရမယ်ဆိုရင် Star Topology နဲ့တူပါတယ်။ သူလည်း Central Device ကို အသုံးပြုတာဖြစ်ပါတယ်။ ဒါပေမယ့် logical အလုပ်လုပ်ပုံခြင်း မတူပါဘူး။ သူ့ရဲ့ အလယ်မှာ သုံးရတဲ့ Central Device က MAU (Multistation Access Unit ) လို့ခေါ်ပါတယ်။

MAU Device ကို ကြည့်လိုက်မယ်ဆိုရင် Port ၂ ခုပါပါတယ်။ Ring In, Ring Out လို့ခေါ်ပါတယ်။ သူတို့က Network ချိတ်ဆက်တဲ့ Port တွေ မဟုတ်ပါဘူး။ Network ချိတ်တဲ့ Port တွေက အလယ်မှာ သပ်သပ်ပါပါတယ်။ MAU Device တွေ အချင်းချင်းချိတ်ဖို့ အတွက် သုံးထားတာဖြစ်ပါတယ်။ သုံးတဲ့ cable က STP ( shielded twisted pair ) ဖြစ်ပါတယ်။ Connector က IBM data connector ဖြစ်ပါတယ်။ Distance က 100 meters ပဲရပါတယ်။ Bandwidth က 10 Mbps ပဲရတာပါ။

ဒီ Network ကို သုံးရတဲ့ အကြောင်းအရင်းက collision မဖြစ်ချင်လို့ပါ။ ဒီ Network မှာ collision မဖြစ်တော့ပါဘူး။ Token Ring ဖြစ်တဲ့အတွက် Token Ring Frame နဲ့သွားပါတယ်။ frame မတူတော့ပါဘူး။ Packet ကတော့ တူပါတယ်။

Collision မဖြစ်ရတဲ့ အကြောင်းအရင်းက MAU Device ကို Power ပေးလိုက်တာနဲ့ Access Control Frame လို့ခေါ်တဲ့ Token bit လေးဟာ MAU Device ထဲမှာ ပတ်နေတာ ဖြစ်ပါတယ်။ အဲ့ Token လေးက နာရီလက်တံအတိုင်းပတ်နေပါတယ်။ Token မှာ free token နဲ့ busy token ဆိုပြီးရှိပါတယ်။ free ဆို 0, busy ဆို 1 ဖြစ်ပါတယ်။ free ဖြစ်တဲ့ Token ကို computer တစ်လုံးကစွဲယူလိုက်ရင် Busy Token ဖြစ်သွားပါတယ်။

ပြောချင်တာက လူတို့စကားပြောတဲ့အတိုင်းဆိုရင် အလှည့်ကျပေါ့။ Token ကိုင်ထားတဲ့သူက အရင်စကားပြော သူပြီးမှ နောက်တစ်ယောက်က Token ကိုင်မယ် စကားပြော အဲ့တိုင်းသွားမှာ ဖြစ်ပါတယ်။ ဒါဆို Collision ဖြစ်စရာ အကြောင်းမရှိတော့ပါဘူး။ collision မဖြစ်ပေမဲ့ ပြဿနာကရှိနေတုန်းပါ ပဲ။ ဒါကတော့ computer အလုံးရေများလာတာနဲ့အမျှ Delay ရှိလာတာပါ။ အဓိကက Half Duplex ဖြစ်နေလို့ပါပဲ။ Half Duplex ဖြစ်တဲ့အတွက် “Share One Medium” ဖြစ်ပါတယ်။ ဒါဆို Token က frame ထဲမှာပါတဲ့ Destination MAC ကို ပို့ပေးပြီးသွားရင် Free Token ဖြစ်သွားပြီ။ အဲ့ခါ နောက် Computer တစ်လုံးက အဲ့ Token ကိုပြန်ယူ frame ပြန်ပို့ ဒီအတိုင်းပဲ သွားတာဖြစ်ပါတယ်။ ring topology ကိုတော့ Knowledge အနေနဲ့သိထားရင်ရပါပြီ။

Star topology
------------------

အဓိကအရေးကြီးတဲ့ topology ကတော့ ယနေ့ခေတ်သုံးနေတဲ့ star ပဲဖြစ်ပါတယ်။ တကယ်တော့ ဒီ topology တွေဟာ အခြေခံ theory တွေပဲဖြစ်ပါတယ်။ တစ်နေ့ network အကြောင်းလေ့လာရင်း အမြင့်တစ်နေရာရောက်တဲ့အခါ topology ကို ကိုယ်တိုင် design ချရမှာပဲဖြစ်ပါတယ်။ကိုယ်ဆွဲလိုက်တဲ့ topology ဟာ ကိုယ့်ရဲ့ topology ပါပဲ။ topology ဆိုတာ တကယ်တော့ network ရဲ့ design and planning ပါပဲ။ တော်တော်လဲအရေးကြီးပါတယ်။

network တစ်ခုရဲ့ stability,security,performance ကောင်းမွန်မှုတွေသည် topology ပေါ်မူတည်ပါတယ်။ အခုပြောနေတဲ့ network ဆိုတာ ပါချီပါချက် network ကိုပြောတာမဟုတ်ပါဘူး။ ပါချီပါချက် network အတွက်လဲ အထွေအထူးစဉ်းစားနေစရာမလိုပါဘူး။ medium to enterprise level or big network,complex network တွေကိုပြောတာပါ။ တနည်းအားဖြင့် user တွေမြောက်မြားစွာသုံးမယ့် service တွေမြောက်မြားစွာသုံးမယ့် network တွေပါ။

network ကကြီးလာပြီဆိုရင် topology တစ်ခုထဲကောင်းရုံနဲ့တော့မရ တော့ပါဘူး သုံးစွဲမယ့် device တွေကလည်းကောင်းရပါမယ်။ network ကြီးတယ်ဆိုတာကလည်း သုံးစွဲမယ့် user နဲ့ Service တွေများလို့ပါ။ ကျွန်တော်တို့နေ့စဉ် အင်တာနက်တွေသုံးနေကြတယ်မလား ဖုန်းတွေ ကွန်ပြူတာတွေ စသည်ဖြင့် device ပေါင်း (or) user ပေါင်းများစွာသုံးလို့ရနေအောင် နောက်ကွယ်မှာအလုပ်လုပ်နေတာက ISP တွေရဲ့ data center တွေမှာရှိတဲ့ router တွေ switch တွေ firewall တွေ Cable တွေ တခြား electronic device တွေဖြစ်ပါတယ်။ သူတို့ဆီကိုဝင်လာတဲ့ request တွေဟာမရေမတွက်နိုင်အောင်များပါတယ်။ သူတို့ကမှတဆင့်တကမ္ဘာလုံးနဲ့ချိတ်ဆက်ထားတာပေါ့။

Data center ဆိုတာ network device တွေကို Rack လို့ခေါ်တဲ့ စင်တွေထဲမှာအထပ်လိုက်ထားပါတယ်။ cisco မှာဆိုရင် data center မှာလုပ်ဖို့ certification ထုတ်ထားပါတယ်။ ကဲ ထားပါတော့ topology အကြောင်းပြောရင်း ဗဟုသုတအနေနဲ့ပြောတာပါ။ သိပြီးသားသူလဲရှိသလို မသိသေးတဲ့သူ
တွေလဲသိအောင်ပေါ့။

Star topology ကတော့ central device အနေနဲ့ switch ကိုသုံးတယ်ဗျ swtich ကအဓိကပဲ။ ဘာလို့လဲဆိုတော့ computer ဒိုင်း computer ဒိုင်း :D သည် သူ့ဆီလာရောက်ချိတ်ဆက်ရတယ်။ တခြား network device တွေသုံးရင်လဲ switch ကိုပဲလာချိတ်ရတာပဲ။ Wireless access point ,NAS, Network Printer စသည်ဖြင့်ပေါ့။

switch ကဘာနဲ့တူလဲဆိုတော့ မြို့နယ်တိုင်းကဆက်သွယ်ထားတဲ့ တံတားနဲ့တူတယ်။ အားလုံးသည် တံတားပေါ်ကနေ ဖြတ်သန်းသွားလာရတယ် အဲတံတားကျိုးသွားရင် အကုန်တိုင်ပတ်ပြီပေါ့။

ဒါကြောင့်
switch ကို multiport bridge လို့လဲခေါ်ကြပါတယ် switch ရဲ့ အားနည်းချက်တစ်ခုကတော့အဲဒါပါပဲ အကုန်လုံးက သူ့ဆီဆက်သွယ်ထားတယ် သူ down သွားရင်ဆက်သွယ်မှုတွေအကုန်ပြတ်တောက်ပြီ။ switch မပေါ်ခင်မှာဘာတွေသုံးခဲ့လဲဆိုရင်

Repeater,Multiport Repeater (Hub), တွေသုံးခဲ့ကြတယ်။ ဒီနေ့ခေတ်မှာ repeater တွေ, hub တွေဟာမသုံးကြတော့ပါဘူး ၀ယ်လို့လဲမရတော့ဘူး။ repeater တွေကို BUS topology မှာစသုံးခဲ့တယ်။ ဘယ်အချိန်မှာသုံးလဲဆိုရင် backbone cable (coaxial cable) က thinnet သုံးမယ်
ဆိုရင် 185m, thicknet သုံးမယ်ဆိုရင် 500m ရတယ်။ meter 500 ထက်ကျော်ပြီးချိ်တ်တဲ့အခါ repeater ခံသုံးရတယ်။ repeater ရဲ့
အလုပ်ကတော့ range ကိုချဲ့ပေးရပါတယ်။ ယနေ့ခေတ်မှာဆိုရင်လဲ wireless access point တွေမှာ repeater mode ဆိုတာပါတယ်။
Repeater သည် data signal ကိုမူလအတိုင်း regenerate လုပ်ပေးပါတယ်။ ဒီပုံကတော့ bus မှာသုံးတဲ့ repeater ပဲဖြစ်တယ်

Bus ကို revision ပြန်လုပ်ပေးပါမယ်။ ဘာလို့လဲဆိုရင် collusion domain and broadcast domain ကိုပြောချင်လို့ပါ။

BUS မှာ data ပို့တဲ့အခါ တပြိုင်နက်ပို့လို့မရဘူး စောင့်ပြီးတစ်ယောက်တစ်လှည့်ဆီပို့ရတယ်။ အဲလိုစောင့်ပြီးပို့ဖို့ ethernet
Technology မှာ CSMA/CD (carrier sense multiple access / collusion detection ) ဆိုတဲ့ algorithm ကိုသုံးခဲ့တယ်။
Cable တစ်ကြောင်းထဲပေါ်မှာ data တွေကို ပြိုင်တူပို့မိရင် signal တွေဟာ ရောထွေးပြီး 0,1 တွေပုံပျက်ကုန်ပါတယ်။ အဲလိုဖြစ်တာကို
Collusion ဖြစ်တယ်လို့ခေါ်ပါတယ်။ အဲဒါကြောင့် CSMA/CD ကိုသုံးရပါတယ်။ CSMA/CD ဘယ်လိုအလုပ်လုပ်သလဲဆိုရင်

ဒါကတော့ pseudo code လို့ခေါ်တယ် programming ရေးတဲ့နေရာမှာသုံးတယ်။
A သည် ပို့တဲ့သူဖြစ်တယ်။ မပို့ခင်မှာ channel ကို sense လုပ်တယ်။
If သည် condition ဖြစ်တယ် channel ကအားတာရှိသလို မအားတာရှိမယ်
အားမယ်ဆိုရင် frame ကို transmit လုပ်လိုက်ပါတယ်။ ပြီးတော့ transmit လုပ်လိုက်တဲ့ channel ကို monitoring လုပ်ပါတယ်။

Monitor လုပ်နေတုန်း အခြား trasmission ကို detect ဖြစ်တာရှိသလို မဖြစ်တာရှိမယ် detect မဖြစ်ရင်တော့ပို့တာအောင်မြင်ပါတယ် detect ဖြစ်ခဲ့မယ်ဆိုရင် signal တွေရောထွေးကုန်ပါတယ်။ အဲလိုရောထွေးကုန်တာကို jam signal လို့ခေါ်တယ်။

အဲ jam signal ကို
Network card အားလုံးက receive ရပြီဆိုရင် collusion ဖြစ်မှန်းသိသွားပါတယ်။ collusion ဖြစ်မှန်းသိရင် csma/cd မှာ exposional
Backoff algorithm ကိုသုံးပြီးအလုပ်လုပ်ကြတယ်။

backoff algorithm သည် computer တိုင်းအတွက်မတူညီတဲ့အချိန်တွေကို
Ramdom generate လုပ်ပါတယ်။ တစ်လုံးမှ အချိန်မတူပါ အရင်အချိန်ပြည့်တဲ့ pc သည် sense ပြန်လုပ်ပြီးပြန်ပို့ရပါတယ်
ကျန်တဲ့ pc တွေကအချိန်ပြည့်လို့ sense လုပ်တဲ့အခါ channel ကမအားတော့ပါဘူး မအားတဲ့အတွက် detect မဖြစ်တော့ပါဘူး မပို့ခင်မှာ sense လုပ်ရဲ့သားနဲ့ ဘာလို့ detect ဖြစ်တာလဲဆိုရင် sense လုပ်တာက အခြား pc တွေလဲ sense လုပ်နေပါတယ်။ပြိုင်တူ sense လုပ်
တဲ့အချိန်မှာ အားလို့ပို့မိကြတဲ့အခါ detect တွေဖြစ်ကုန်တာဖြစ်တယ်။ အဲတော့ bus မှာ collusion ဖြစ်တဲ့ ပြဿနာရှိပါတယ်။ computer
အရေအတွက်များလေလေ collusion ကပိုဖြစ်လေလေပဲ collusion domain ကြီးလာတယ်လို့ခေါ်ပါတယ်။ collusion ဖြစ်လေလေ
အချိန်တွေကြာပြီး delay တွေတက်လေပဲ။

repeater ပြီးတော့ hub ထပ်ပေါ်လာတယ်။ hub မှာလဲအလုပ်လုပ်ပုံကမပြောင်းလဲသေးဘူး hub သည် physical အရကြိုးချိတ်ထားပုံက star topology ဖြစ်ပေမယ့် logical ကတော့ bus အတိုင်းအလုပ်လုပ်ပါတယ်။ one channel ကို share သုံးပြီး half duplex ပဲဖြစ်တယ်။ hub သည် no intelligent device ဖြစ်ပါတယ်။ ဥာဏ်မရှိတဲ့ကောင်ပေါ့။

hub ရဲ့ port တစ် port ဆီသည် repeater function ပါပါတယ်။ frame ကိုနားမလည်ပါဘူး layer 1 device ဖြစ်တယ်။
0,1 signal ကိုပဲသိပါတယ်။ ၀င်လာတဲ့ interface ကို regenerate လုပ်ပြီး ကျန် interface အားလုံးကိုပို့တာသူ့ရဲ့အလုပ်ပါ။ repeater တို့
Hub တို့သည် frame တစ်ခုကိုပို့လိုက်တိုင်းမှာ signal သည် အမြဲတမ်းအကုန်လုံးဆီကိုရောက်ပါတယ်။

အဲဒါကြောင့် network တွေ
များများချိတ်လေ collusion domain ကလဲကြီးလာလေပဲဖြစ်တယ် collusion domain ဆိုတာ collusion ဖြစ်နိုင်တဲ့နေရာကိုပြောတာ
Broadcast domain ဆိုတာ arp request frame ရောက်နိုင်တဲ့နေရာကိုပြောတာ။ ပြီးတော့ hub မှာရှိတဲ့ port တိုင်းသည် collusion domain
Broadcast domain တစ်ခုအောက်မှာပဲရှိပါတယ်။

Collusion ဖြစ်တော့ delay တွေများလာတဲ့ ပြဿနာကကြီးလာပါတယ်။ ဒီဟာဖြေရှင်းဖို့ bridge ထပ်ပေါ်လာပါတယ်။ bridge မှာ
Cpu,ram,rom,flash (os) တွေပါလာပါပြီ။ bridge သည် intelligence device ဖြစ်တယ်။ ဥာဏ်ရှိတဲ့ကောင်လာပြီ။ bridge သည် frame ကို forward လုပ်တယ်။ လုပ်တဲ့အခါ bridge table or MAC address table ကိုသုံးပြီးလုပ်ပါတယ်။

listening,learning,forwarding ဆိုတဲ့အလုပ် ၃ခု ကိုလုပ်တယ်
Bridge သည်ဝင်လာတဲ့ signal ကို frame လို့မြင်ပါတယ် layer 2 device ဖြစ်တယ် collusion domain တစ်ခုထဲဖြစ်နေတာကို bridge ခံပြီးပိုင်းလို့ရပါတယ်။

Collusion domain ကိုပိုင်းခြားနိုင်တာ switch,bridge
Broadcast domain ကိုပိုင်းခြားနိုင်တာ Router.

Bridge ပြီးတဲ့နောက် ယနေ့ခေတ်သုံးနေတဲ့ switch (multiport bridge ) ပေါ်လာပါတယ်။ switch မှာပါတဲ့ port တစ် port ချင်းဆီက
တော့ collusion domain တစ်ခုပဲဖြစ်တယ်။ duplex method ကလဲ full duplex ဖြစ်သွားပါပြီ။ but broadcast domain က
တော့ရှိနေဆဲပဲဖြစ်တယ်။ broadcast domain ကြီးလာရင် arp req frame ပိုပို့ရတဲ့အတွက် delay time လဲရှိသလို bandwidth usage လဲတက်ပါမယ်။ broadcast domain ကိုပိုင်းနိုင်တာ device အနေနဲ့ router ပဲရှိပါတယ်။ broadcast domain ပိုင်းလိုက်တာနဲ့ different
Network တွေဖြစ်သွားပါပြီ။ manage switch တွေမှာ VLAN ကိုအသုံးပြုပြီး broadcast domain size ကိုလျှော့ချလို့ရပါတယ်။

Switch ကဘယ်လိုအလုပ်လုပ်သလဲ ??

Switch သည် MAC address table နဲ့အလုပ်လုပ်တဲ့ device ဖြစ်ပါတယ်။ MAC address table သည် switch ရဲ့ RAM ပေါ်မှာတည်ဆောက်ထားပါတယ်။ CAM (content addressable memory) table လို့လဲခေါ်ကြပါတယ်။ switch ရဲ့အလုပ်က destination MAC ကိုကြည့်ပြီး ethernet frame ကို forward လုပ်ပါတယ်။ switch မှာ OS ပါတယ်။ SOHO switch တွေမှာများသောအားဖြင့် Open WRT ကိုသုံးကြတယ်။ wireless device တွေမှာလဲသုံးတယ်။ ဘယ် switch မဆို switch တွေမှာပါတဲ့ port တိုင်းသည် listening, learning, forwarding လုပ်ကြတယ်။

listening - incoming frame

learning - ၀င်လာတဲ့ frame မှာပါတဲ့ source-MAC (ဒုတိယမြောက် 48 bits ) ကို MAC address table မှာမှတ်

forwarding - ၀င်လာတဲ့ frame က dest-MAC (ပထမ 48 bits) ကိုကြည့်ပြီး frame ကို ပို့ဆောင်တယ်

destination IP ကိုသိပေမယ့် DMAC ကိုမသိတဲ့အခါ ARP request and reply လုပ်ပါတယ်။

ARP ( Address Resolution Protocol)
------------------------------------------------

Cmd မှာ arp လို့ရိုက်လိုက်ခြင်းသည် command ဖြစ်တယ် protocol မဟုတ်ပါ။ protocol သည်နောက်ကွယ်မှာ install လုပ်ထားပြီး
သား။ OS ထဲမှာ install လုပ်ထားပါတယ်။ arp protocol မပါရင်လုံးဝ network မမိပါ။ IPv4 မှာ arp ဟာတော်တော်အရေးပါပါတယ်။
Arp protocol လေးကြောင့် Ipv4 မှာ network မိတာဖြစ်ပါတယ်။ Ipv6 မှာတော့ broadcast မရှိတော့တဲ့အတွက် arp လဲမလိုတော့ပါဘူး

ARP note
-------------

- TCP/IP Protocol ကိုသုံးနေတဲ့ devices တိုင်းမှာ ARP ပါတယ်။

- 1. ARP သည် MAC address and IP ကို Mapping လုပ်ပေးထားသော Protocol ဖြစ်တယ်။

- ARP Protocol သည် Ethernet Technology အသုံးပြုသော devices တိုင်းမှာပါတယ်

- 2. ARP Cache ဆိုတာ သူ့ထဲမှာ Dest- MAC Address and Dest- IP address တွေကို Mapping လုပ်ထားတဲ့ Lists တွေကိုသိမ်းဆည်းထားတဲ့ ကြားခံ Memory တစ်ခုဖြစ်သည်။

- 3. ARP သည် ARP Request Frame ကိုလည်းပို့ပေးရတယ်။ မိမိသွားရောက်ရမည့် DIP ရဲ့ MAC ကိုမသိဘူးဆိုရင်လဲရှာပေးရတယ်။

- 4. ARP Reply Frame ဆိုတာကတော့ DIP ရဲ့ DMAC ကိုပြန်ပို့ပေးတဲ့ frame ဖြစ်တယ်။

- ARP သည် Network မိအောင်နောက်ကွယ်မှအလုပ်လုပ်ပေးသော Protocol ဖြစ်သည်။

- Ethernet Frame အတွက်သာလျှင် ARP သုံးတယ်။

- ဘာ service ပဲ request လုပ်လုပ် မိမိသွားရောက်ရမယ့် destination ip ရဲ့ MAC ကိုမသိတိုင်းမှာ
Arp request, reply လုပ်ပါတယ်။

Display arp cache
------------------------

 arp –a (အခြား ကွန်ပြူတာတွေရဲ့ MAC address တွေ သည် arp cache ထဲမှာ သိမ်းထားတာကိုပြန်ကြည့်ခြင်းဖြစ်တယ် ပြန်ဖျက်ချင်ရင်
(arp –d) ဖြင့်ဖျက်နိုင်သည်။

 arp cache သည် MAC againg ရှိသည်။ againg ဆိုတာ life time ဖြစ်တယ်။ အချိန်စေ့တာနဲ့ဖြတ်ပစ်ပါတယ်။ အမြဲတမ်း cache ကိုသိမ်း
ဆည်းထားခြင်းမဟုတ်ပါ။ computer shudown or restart လိုက်ရင်လဲ cache တွေပျက်သွားတယ်။ network မိဖို့နောက်တစ်ခါ ပြန်ပြီး
Arp request, reply တွေပြန်လုပ်ရပါတယ်။

ကျွန်တော် network and internetwork အခန်းကြရင် ip,arp,MAC,switch 4 မျိုးပေါင်းပြီး network တစ်ခုဘယ်လိုမိသွားလဲဆိုတာရှင်းပြပါ့မယ်။

ခုတော့ ဒီလောက်နဲ့ရပ်ပါမယ်ခင်ဗျာ။ Basic Networking Part - 6 မှာ star topology မှာအသုံးပြုတဲ့ Cable အကြောင်းတွေပြောသွားမှာပါ။

တစ်ခုခုနားမလည်တာ အမှားပါတာရှိခဲ့ရင် ကျွန်တော့်ရဲ့ညံ့ဖျင်းမှုကြောင့်သာဖြစ်ပါတယ်။