အင်တာနက်နှင့် Virus ပြဿနာ

 လက်ရှိတစ်ကမ္ဘာလုံးအတိုင်းအတာအရ Microsoft Windows အသုံးပြုသူဦးရေဟာ အများဆုံးဖြစ်ပြီး ဟက်ကာများဟာလည်း နေ့စဉ်နှင့်အမျှ Windows ရှိအားနည်းချက်များမှ တစ်ဆင့် ကွန်ပျူများအတွင်း Virus များ ပို့လွှတ်တိုက်ခိုက်ခြင်း၊ အခြားအန္တရယ်ရှိသော Program များထည့်သွင်း တိုက်ခိုက်ခြင်းစသည်တို့ကို ပြုလုပ်ဆောင်ရွက်လျက်ရှိပါတယ်။ အနောက်နိုင်ငံရှိ ဟက်ကာအချို့ကတော့ ဘဏ် Account များခိုးယူခြင်း ပုဂ္ဂိုလ်ရေးရာသတင်း အချက်အလက်များအားခိုးယူခြင်း စသည်တို့အပြင် ကွန်ပျူတာစနစ်တစ်ခုလုံးအားဝင်ရောက်ထိန်းချုပ်ခြင်း စသည်တို့ကို ဆောင်ရွက်ကြပါတယ်။ အချို့ဟက်ကာတွေကတော့ လုံခြုံရေးဆိုင်ရာစနစ်၏ အားနည်းချက်များကို ရှာဖွေခြင်း၊ ကွန်ပျူတာနှင့် ကွန်ယက်စနစ်အား အသေးစိတ် ဝင်ရောက်လေ့လာလိုခြင်း၊ Program များကို စမ်းသပ်လိုခြင်း စသည်တို့ကို လုပ်ဆောင်ကြပါတယ်။ 

 လွန်ခဲ့တဲ့ရက်အနည်းအငယ်အတွင်း အနောက်နိုင်ငံရှိ သုတေသီများရဲ့ သတိပေးပြောကြားချက်အရ အင်တာနက်ချိတ်ဆက်အသုံးပြုလျက်ရှိတဲ့ ကွန်ပျူတစ်လုံးဟာ 12 မိနစ်အတွင်း Virus နှင့် အခြား Program များဝင်ရောက်ကာ Operating System အားချိုးဖျက်တိုက်ခိုက်နိုင်ကြောင်း သိရှိရပါတယ်။ ထိုကဲ့သို့  Virus ဝင်ရောက်ခြင်းကြောင့် Operating System မတည်မငြိမ်ဖြစ်ခြင်း၊ data များပျောက်ဆုံးခြင်း Network မှတစ်ဆင့် အခြားကွန်ပျူတာများအတွင်း ပျံ့ပွားခြင်း စတာတွေအပြင်သင့်ရဲ့ Storage Server ကိုတောင်နှောက်ယှက် တိုက်ခိုက်နိုင်ပါတယ်။ ထိုကဲ့သို့သော အခြေအနေများကြောင့် www များဟာသင့်အတွက် Killer-apps များကို သယ်ဆောင်လာမည့် အဓိက တရားခံသဖွယ် ဖြစ်လာခဲ့ပါတယ်။ 

 ယခုကဲ့သို့ ပြဿနာများကို ကာကွယ်ရန်အတွက်ကတော့ Kaspersky, Bitdefender, Avast, Avira, AVG, Norton, MCAFee အစရှိတဲ့ Antivirus ဆော့ဖ်ဝဲများကို အသုံးပြုနိုင်ပါတယ်။ Windows 10 မှာ built-in အနေနဲ့ Windows Firewall, Windows Defender များပါဝင်ပြီး အခြားသော Thirdparty application  များကိုလည်းထည့်သွင်းအသုံးပြုနိုင်ပါတယ်။

#Burmese_IT